Treizhourien

Ur c’helc’h keltek un tamm disheñvel diouzh ar re all ez eo. War-zu ar c’hrouiñ eo troet Korriged Iz abaoe un dek vloaz bennak. Dilezet eo bet ganto an dilhad hengounel ha troet int gant an dañs kempred. Dre o c’hejadeg gant korollourez Aziliz Dañs o deus boulc’het an hent-se. Er bloaz-mañ e stagont gant un arvest nevez. Kaset gant eizh mouezh veur a Vreizh e vo eztaolet a-unlusk gant 22 zañserwar an hevelep leurenn. Treizour a zo anezhañ ur c’hammed nevez en un hengoun troet bepred war-zu an amzer da zont.